Na : MROPE WA MROPE. Iringa
SALAMU ZA MWISHO WA WIKI: Ujasiriamali sio kusaka pesa tu kama wengi wanavyofikiri. Ujasiriamali
ni uwezo wa kutumia fursa yoyote kujipatia mafanikio. Fursa zenyewe ni
kila jambo linalokuja mbele yako bila kujali ni baya au zuri maana
matukio lazima yaendelee kutukia katika uhai wetu wote lakini hakuna
guarantee ya
kupata matukio mazuri tu hata mabaya yatatokea.
Hata
mabaya hutokea hata kama unaomba na kusali sana maana wakati mwingne
mema hutanguliwa na yale tunayofikiri ni mabaya. Ayubu alipata kuwa mtu
tajiri zaidi kuliko mwanzo baada ya watoto wake wote kufa, mali zake
zote kuteketea na yeye kupgwa majipu mwili mzima.
Muda
wake wa kuugua aliutumia kulia, kuomboleza na kumuadhimisha Mungu
(ulikuwa wakati mgumu kwake lakini alitumia muda ule kama fursa ya
kumkaribia Mungu badala ya kulalamika), Daudi kabla ya kuwa mfalme
aliwekwa huko machungani, kazi ambayo walifanya watu wasiofaa lakini
ilikuwa ni njia ya kuandaliwa kuvaa joho la ufalme.
Yusufu
aliuzwa na nduguze lakini ilikuwa ni fursa ya kuishi jumba la kifalme.
Akiwa kwa falme akasingiziwa ubakaji akapelekwa jela lakini ilikuwa ni
njia kuelekea uwaziri mkuu. Musa alitupwa na mama yake lakini ilikuwa
fursa ya kulelewa kifalme. Kwa hiyo itoshe kunielewa kuwa kuna mafanikio
yanakujia kupitia matatizo lakini kanuni inataka usimame imara katika
matatzo hayo na uone fursa uchangamkie au utulie tuli ukitafakari na sio
kulalamika.
Katika salamu zangu hizi kwako nataka
uelewe kuwa unapaswa kufahamu kuwa ujasiriamali ni pamoja na kugeuza
mabaya kuwa mazuri. Yawezekana una msongo wa mawazo na ikifika saa 7
usingizi unakata unaishia kujigeuza mpaka alfajiri. Mbeba maono
nakushauri utumie fursa hiyo. Kuna watu wanatamani kuamka muda huo na
hawawezi kuamka kwa uchovu, wewe kukosa usingizi ni bahati njema. Tumia
muda huo jisomee mbinu za mafanikio kupitia vitabu, mitandao n.k.
Tumia
muda huo kumuomba Mungu na ujue uwezo mkuu wa kutenda mambo makubwa
ulioumbiwa na Mungu. Tumia muda huo kutafakari namna ya kubadili maisha
yako. Natamani kukuona ukibadili matatizo kuwa faida. Natamani matatizo
yakuone wewe ni mbaya wake kuliko matatzo. Kukosa usingizi iwe fursa
isiwe matatizo na wewe utakuwa shujaa.
Muda huo wa
kukosa usingizi ukifanya hayo utagundua hata wewe unafurahia kukosa
usingizi maana ni faida. Mwisho wa kukosa wewe utakuwa umefaidika na sio
kuharibika kama wengine wanavyoharibikiwa. Salamu zako kwako ni kutaka
uwe mjasiriamali unayetumia kila fursa ikiwepo matatizo kujinufaisha.
Hizo ni salamu zangu mwisho wa wiki kwako.
ALOYCE MROPE, Che Mrope Wa Mrope (fb), Mbeba Maono (fb page) 0766656626/0715366010/0787641417
Sign up here with your email